சுழற்சி

உலகம் தன்னை
தினமும் சுற்றுகிறது
என்றறிந்தேன்
நான் இருக்கும் இடம்
மட்டும் ஏனோ நகரவேயில்லை

பயிற்சி

தாலி கட்டி,
வேலி கட்டி,
மஞ்சள் கொடியில்
என்னை கட்டி,
தினமும் விடுபட்டு,
தினமும் சிறைபட்டு,
முடியும் தினம் தெரியவில்லை...!

விடாது செய்கிறேன் நானும்
ஒரு பயிற்சி..!!

நாய்க்குட்டி!

நாய்க்குட்டியைப் போல
அவள் பின்னால்
தினமும் நான்...!

'வாலாட்டுவது' மட்டும்தான்
தெரிகிறது அவளுக்கு!

அயற்சி

கடலை கோப்பையில்
எடுத்து கரை சேர்க்க,
நெடுநாளாய் முயற்சிக்கிறேன்...
அலைகள் குறையவில்லை!

வேலை நடுவே விழித்தேன்...
வேலை குறையவில்லை!
அயற்சி மட்டும் தான் மிச்சம்!!

முயற்சி

விண்ணை தொடத்தான் எம்பினேன்..
விட்டத்தை கூட தொடவில்லை!

ஆனாலும் எம்புவதை
விடவில்லை..!!