நிழல் கவிதை!

வாசக அன்பர்களே...!

நிழல் கவிதைக்கு பதில் கவிதை அனுப்புங்களேன்...!

அது உங்கள் பக்கத்தின் பதிவாய் இருக்கலாம்.. அல்லது இங்கு பின்னூட்டமாய் இருக்கட்டும் :-)

பி கு - இங்குதான் அமர்ந்து தோழர் ஜே கே அவர்கள் தினமும் கவிதை எழுதுகிறாராம்!

ஊட்டச்சத்து

அம்மை அமுதில் துவங்குவது
தந்தை கரம் பிடித்தே வளர்வது

சகோதரி பாசத்தில் செழிப்பது
சகோதரன் கைகோர்க்க நிற்பது
நண்பன் தோளில் சாய்வது

மனையாள் பரிவில் தழைப்பது
மகன் போர்வையில் வாழ்வது

ஊட்ட ஊட்ட ஊருமிது..
அறியாது உள்ளிருக்க..
புரியாது ஊர்ந்திருக்க...
தேவைக்கு மட்டும்
கைக்கொடுக்கும் ஊட்டச்சத்து!!

புவியீர்ப்பு!

வாழும் போதும்,
வாழ்ந்த பின்னும்,

மிதித்தோருக்கும்
உறங்க இடங்கொடுக்கும்
பூமியாயிருக்க....

ஆசையெனக்கு!!

மின்னல்!

தன்னில் வரும் மின்னலை
தாங்குதே வானம்
என்றே வியந்திருந்தேன்....

உன் பார்வைத்தாக்கம்
என்னில் தெரியும் வரை!

கடிகாரத்துவம்!

கடிகாரம்
போல்தான் வாழ்வு!
மற்றவரின் உந்து
சக்தியிலேதான் சுழற்சி!

உந்துதல் நிற்க
காட்சி பொருளாவோம்!
பயனற்று, உயிரற்று,
வெறும் பொருளாவோம்!!